У Брэсце жыхары аднаго з гістарычных дамоў у цэнтры горада ўзнялі праблему, якая не вырашаецца дзесяцігоддзямі. Нягледзячы на тое, што вакол будынка — адміністрацыйныя ўстановы і добраўпарадкаваныя двары, тэрыторыя перад іх домам нагадвае хутчэй пустку, чым цэнтр еўрапейскага горада.
Чытайце таксама: «Везде кругом у нас ямы да лужи»: как жительница деревни Красное добивалась от властей благоустройства дорог
«Бруд, ямы і праезная частка замест двара»
Жанчына, якая здымае відэа, паказвае тэрыторыю перад сваім домам:
«Глядзіце, гэта — цэнтр горада. Гістарычны будынак, у якім мы жывем. Менавіта так выглядае тэрыторыя перад домам ужо больш за 30 год: бруд, ямы… Немагчыма прайсці, каб не запэцкаць абутак ці не прынесці ўвесь гэты бруд дадому. Адкрыўшы дзверы з пад’езда, адразу трапляем на праезную частку».
Мясцовая жыхарка паказвае і суседнія дамы: адзін з іх — адміністрацыйны будынак, дзе цяпер ідзе вялікі рамонт, навакол — новая плітка, чысты асфальт. Яшчэ адзін суседні дом таксама мае добраўпарадкаваны двор.
@sivelga Это центр Бреста. Историческое здание, в котором мы живём. И так выглядит наша придомовая территрия уже больше тридцати лет. Грязь, ямы, щебёнка вместо дороги. Открыл дверь и сразу на проезжую часть. Обойти невозможно, не испачкав обувь. А вот дом в паре метров городской, для администрации. Здесь и плитка, и асфальт, и техника, и ремонт! А у нас, говорят, «придомовой территории нет». Но можете городскую отремонтировать за свой счёт. А пока радуйтесь гравию. И встаньте в очередь на благоустройство… лет на 20. Получается, кому-то всё, а кому-то «денег нет» и, вообще, в Африке еще хуже? Мы не просим многого. Мы просто хотим чистый, безопасный двор. В центре НАШЕГО города. В Бресте. Поддержите, если тоже считаете, что это несправедливо. #Брест #ЖКХ #Беларусь #Благоустройство #Несправедливость ♬ оригинальный звук — sivelga
«Усе вакол прыбрана, зроблена для людзей. А ў нас — шчэбень, якім засыпалі ямы яшчэ 30 гадоў таму. Гэта ж не рамонт, гэта проста часовая мера. Брудна, небяспечна, парушаюцца санітарныя нормы і нашы правы на камфортнае асяроддзе», — кажа яна.
Адказ адміністрацыі: «У вас няма прыдамавой тэрыторыі»
Пасля шматгадовых нараканняў жыхары вырашылі дзейнічаць і накіравалі калектыўны зварот у гарвыканкам. На месца прыбыла камісія. Але вынікі яе працы людзей толькі засмуцілі.
«І ведаеце, што яны нам сказалі? Аказваецца, у нашага дома адсутнічае прыдамавая тэрыторыя. Яна сканчаецца адразу за ўваходнымі дзвярыма! То бок мы выходзім проста на дарогу. Нам нават прапанавалі зрабіць рамонт за свой кошт — хоць гэта не нашая зямля», — распавяла жанчына.
Паводле яе слоў, чыноўнікі таксама адзначылі, што сродкаў на рамонт няма, як і рабочых: «Сказалі, што можна напісаць яшчэ адну заяву і ўстаць у чаргу на добраўпарадкаванне гадоў на 20. А пакуль чакайце пісьмовы адказ».
«Мы просім элементарнага — чысты і бяспечны двор»
Пасля сустрэчы з прадстаўнікамі гарадской адміністрацыі ў людзей засталося пачуццё бездапаможнасці.
«Мы звычайныя людзі і хочам жыць у нармальных умовах. Хіба гэта шмат? Мы не патрабуем раскошы — толькі чысты, бяспечны двор у цэнтры горада. Можа, калі пра гэта пачуюць больш людзей, нешта зменіцца?» — падсумоўвае аўтарка відэа і просіць гледачоў падтрымаць жыхароў дома.
Як у гарвыканкамах адказваюць на звароты беларусаў
У каментарах многія падтрымалі жанчыну і адзначылі, што праблема далёка не новая: самі сутыкаліся з падобнымі адказамі на скаргі.
- «Яны не будуць нічога рабіць: у нас заасфальтавалі дарогу за наш кошт, самі жыхары сабралі і заплацілі».
- «Гарвыканкам так заўсёды адказвае на любы зварот».
- «А нам адказалі чакаць рэканструкцыі, якая будзе толькі ў 30-м годзе».
А вось якой гісторыяй падзялілася жыхарка Брэста:
«У нас тое самае — проста засыпалі ўсё шчэбенем. Павінны былі пакласці новы асфальт: мы стаялі ў чарзе, работы абяцалі зрабіць у жніўні. Але ў выніку сказалі, што ў нас нібыта больш-менш нармальна — і з чаргі нас знялі».
Цікава, што, паводле слоў аўтаркі каментара, у суседніх дамах тратуары і дарогі ўсё ж абнавілі: «Не разумею, чаму такая несправядлівасць?! Мала таго, што фасад зрабілі абы-як, дык яшчэ і дарогу не паклалі».
Жанчына таксама ўзгадвае, што мясцовыя ўлады абяцалі ўсталяваць арэлі для дзяцей, але і гэта абяцанне не выканалі: «Абяцалі паставіць дзецям арэлі ў двары, але потым сказалі: “У вас жа арэлі ў суседнім двары”. Вуліца Маладагвардзейская».
Чытайце таксама: Пад Мядзелем застрэлілі хатняга сабаку. Яго гаспадар упэўнены, што «такога рабіць нельга»
Наш канал в Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро
Сообщить об опечатке
Текст, который будет отправлен нашим редакторам: