Прадукцыю ад «Дзяржынкі» пераважваюць? Беларусы працягваюць скардзіцца на мяса ад вядомай фірмы

Беларуска Галіна набыла грудку кураня-бройлера ад фірмы «Дзяржынка» і засталася незадаволеная: на меркаванне жанчыны, уся праблема ў вазе, заяўленай на ўпакоўцы прадукта. Як выявілася жанчынай, указаная вага значна адрозніваецца ад сапраўднай. Сваімі назіраннямі пакупніца падзялілася ва ўласным TikTok-акаўнце.

Чытайце таксама: В Бобруйске покупательница пожаловалась на замороженные яйца из «Евроопта» — магазин ей ответил

У сваім відэа Галіна прадэманстравала розніцу: на ўпакоўцы мяса было пазначана 1,6 кг у той час, як на кантрольных вагах — 900 гр., што на 0,7 кг менш, чым мусіць быць.

@galina.lipen5♬ оригинальный звук — Galina Lipen

Акрамя публікацыі роліка, жанчына наведала краму, дзе набывала мяса, каб разабрацца ў сітуацыі. У наступным роліку ў TikTok яна расказала, што звярнулася ў ААА «Заводскі райхарчгандаль» у Мінску: «Будзем разбірацца, а то там нікуды не глядзяць наогул».

Пра вынік разбіральніцтва аўтарка ролікаў пакуль не паведаміла.

@galina.lipen5♬ оригинальный звук — Galina Lipen

Не першы падобны выпадак

Раней BGmedia паведамляла пра выпадкі, калі беларускія пакупнікі выказвалі незадаволенасць прадукцыяй «Дзяржынкі», якая належыць буйному агракамбінату Дзяржынскі.

Галоўная прычына скаргаў пакупнікоў — неадпаведнасць заяўленай і сапраўднай цане прадукту. У адным з выпадкаў беларуска заўважыла розніцу ў амаль 300 гр., калі набывала кураня-бройлера: на вагах было 760 грамаў замест 900. Жанчына спрабавала разабрацца ў праблеме ў самой краме, дзе яна і ўзважвала мяса кураня. Аднак там ёй адказалі, што мяса могуць узважыць і прадаць толькі па завадскім кодзе, нават калі ён не адпавядае рэальнай вазе.

Пад крытыку патрапілі і курыныя бёдры: іншая жанчына звярнула ўвагу на вялікую колькасць скуры ў бёдрах замест мяса, што ёй моцна не спадабалася.

Ва ўсіх выпадках фірма ніяк не каментавала сітуацыю. І, як вынікае з апошніх водгукаў спажыўцоў, розніца паміж сапраўднай і пазначанай вагой ужо можа дасягаць больш за паўкілаграмы.

Чытайце таксама: Курыца ад «Дзяржынкі» зноў патрапіла пад шквал крытыкі. Гэтым разам праз вялікую колькасць скуры

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро